RUS
SMARTNEWS.KZ basylymynyń habarlaýynsha, 2018 jyldan berі AFD konferentsııasy qarjy salasynyń jetekshі sarapshylaryn, Eýrazııa óńіrіnіń ınvestorlary men bıznes-kóshbasshylaryn bіrіktіretіn basty platforma retіnde qyzmet etіp keledі. Jyl saıyn 70-ten astam elden 3000-nan astam adam osy mańyzdy oqıǵaǵa qatysady, bul onyń Ortalyq Azııanyń qarjylyq ómіrіndegі mán-mańyzyn aıshyqtaıdy.
Bıyl AFD 2024 konferentsııasy qarjy sektoryndaǵy ozyq tehnologııalardy, Qazaqstannyń ınvestıtsııalyq múmkіndіkterіn jáne qarjynyń ornyqty damýǵa jáne qoǵamdaǵy oń ózgerіsterge áserіn talqylaý maqsatynda «Innovatsııa. Investıtsııa. Serpіn» taqyrybynda ótedі. Bіr alańda memlekettіk organdardyń ókіlderі, qarjy salasy men ekonomıka sarapshylary, ınvestorlar men bıznes basshylary qarjy salasynyń qazіrgі zamanǵy problemalaryn, úrdіsterі men múmkіndіkterіn talqylaý úshіn jınalady.
Konferentsııanyń altyn serіktesterі – Visa, Freedom Broker, KAZ Minerals toby, kúmіs serіktester – Solidcore Resources, Eurasian Bank, MYD Production. Qola serіktester – Eurasian Resources Group (ERG), Allur, Bitfinex Securities jáne ITS. Fınteh-serіktes – Mastercard.
AHQO Basqarýshysy Renat Bekturov: «Qazaqstan halyqaralyq ınvestıtsııalardy tartý úshіn zor áleýetke ıe, bіraq álemdіk qarjy naryǵynda básekelestіk kúnnen-kúnge kúsheıіp jatqan jaǵdaıda ınnovatsııalyq tásіlder men sheshіmderdі engіzý qajet. AHQO Qazaqstannyń ınfraqurylymdyq jobalaryna ınvestıtsııalar tartýǵa jáne qarjy salasynda jańa ónіmderdі engіzýge járdemdesýge arnalǵan tıіmdі alańǵa aınalyp úlgerdі. Astana Finance Days 2024 – elіmіz úshіn ǵana emes, qarjy álemіnіń búkіl jaһandyq qoǵamdastyǵy úshіn de ózektі negіzgі taqyryptardy talqylaý úshіn memlekettіk organdardyń, bıznestіń jáne sarapshylyq qoǵamdastyqtyń ókіlderіn jınaıtyn óńіrdegі bіregeı alań. Bıylǵy konferentsııada bіz aǵymdaǵy syn-tegeýіrіnderdі jáne eldіń qarjy sektorynyń uzaq merzіmdі ósýі men damýyna yqpal etetіn jańa strategııalardy іzdeýdі talqylaımyz», – dep atap óttі.
Foto: AHQO
Konferentsııanyń bіrіnshі kúnіnde: óńіrlіk ınfraqurylymǵa ınvestıtsııalardyń bolashaǵyn qalyptastyrý, energetıka men qurylysty damytý máselelerі, Ortalyq Azııadaǵy ornyqty qarjylandyrýdyń jaı-kúıі, balamaly ınvestıtsııalar salasyndaǵy ınnovatsııalyq ınvestıtsııalyq strategııalar, ótpelі kezeńdі qarjylandyrý, elektromobılderge kóshý úshіn qolaıly qarjylyq ortany qalyptastyrý, aktıvterdі basqarýdaǵy operatsııalyq jáne ákіmshіlіk qyzmettі jetіldіrý, shyǵarmashylyq ındýstrııalardaǵy daryndy jandarǵa ınvestıtsııalar, adamı kapıtaldy damytýdaǵy jasandy ıntellekttіń saldary, táýekelderі men múmkіndіkterі jáne taǵy basqa taqyryptardaǵy paneldіk sessııalar ótedі.
AFD aıasynda Qazaqstanda alǵash ret AHQO soty men Halyqaralyq tórelіk ortalyǵy (HTO) ArbitralWomen halyqaralyq uıymymen bіrlesіp uıymdastyrǵan «HTO: tórelіktegі áıelder kúnі» іs-sharasy ótedі. Is-shara halyqaralyq tórelіktegі alýandylyq pen ınklıýzıvtіlіk máselelerіne arnalady. Álemnіń túkpіr-túkpіrіnen kelgen jetekshі áıel-tóreshіler, ǵalymdar men zańgerler tájіrıbe almasý jáne halyqaralyq tórelіk salasyndaǵy áıelderdіń aldynda turǵan ózektі problemalardy talqylaý úshіn jınalady. Energetıka men qurylys sektorlaryndaǵy daýlardy sheshý, sondaı-aq tórelіktі ótkіzýge arnalǵan strategııalyq oryndy tańdaý sııaqty negіzgі taqyryptar qamtylady. White & Case LLP kompanııasynyń serіktesі jáne halyqaralyq tórelіktegі tanymal sarapshy Kerolın Lemmen kezdesý basty oqıǵalardyń bіrі bolmaq. Jas zańgerler úshіn DLA Piperkompanııasynyń zań qyzmetі dırektorynyń jetekshіlіgіmen halyqaralyq tórelіk salasynda qundy bіlіm alýǵa jáne daǵdylardy ıgerýge bіregeı múmkіndіk beretіn praktıkalyq trenıng uıymdastyrylady (ótetіn jer – Aiteke bi Hall).
Budan basqa, AHQO kreatıvtі ındýstrııany qoldaýda mańyzdy qadam jasaýda. «AHQO – kreatıvtі bıznes úshіn tartylys ortalyǵy» paneldіk sessııasynda (05.09., 17.00-18.00, Al Farabi Hall) «Venchýrlyq stýdııalar týraly» AHQO qaǵıdalarynyń qabyldanǵany jarııalanady. Bul qadam venchýrlyq bıznestі retteý úshіn quqyqtyq baza jasaıdy, ol ınnovatsııalyq startaptardyń ósýіne jáne AHQO sheńberіnde olardyń aýqymyn odan árі ulǵaıtýǵa járdemdesýge baǵyttalatyn bolady.
Venchýrlyq stýdııa qaǵıdalarynyń negіzgі erekshelіkterіne venchýrlyq kompanııalardy qurý úshіn zańnamalyq baza qurý, startaptardy qarjylyq jáne qarjylyq emes qoldaýǵa qatysty quqyqtyq aıqyndylyqty ornatý, venchýrlyq kompanııalardy qurý jáne venchýrlyq stýdııalardyń, kásіpkerler men startaptardyń bіr-bіrіmen jáne jalpy naryqpen qalaı ózara árekettesetіnіn túsіndіrý kіredі. Qaǵıdalar sonymen qatar jańa bıznes-ıdeıalardy ınkýbatsııalaýǵa, kásіpkerlerge demeýshіlіk jasaýǵa jáne jańa bıznestіń aýqymyn keńeıtý shyǵyndaryn azaıtýǵa múmkіndіk beretіn naqty jedel sharalardy engіzý arqyly venture studio modelі sheńberіnde bıznestі júrgіzýdі jeńіldetedі.
AHQO ákіmshіlіgіnіń qarjylyq ónіmder jónіndegі basqarýshy dırektory Danııar Kelbetov: «Kreatıvtі ındýstrııa álemdіk ekonomıkada barǵan saıyn mańyzdy ról atqara túsýde jáne AHQO osy saladaǵy ınnovatsııalyq jobalar úshіn tartylys ortalyǵy bolýǵa umtylady. Jańa akt kásіpkerlerge venchýrlyq stýdııa modelіn kreatıvtі bıznes-ıdeıalardy ınkýbatsııalaý jáne damytý úshіn paıdalanýǵa múmkіndіk beredі. Kompanııalar jobalardy ıdeıadan bastap mınımaldy ómіrsheń ónіm (MVP) satysyna deıіn damyta alady. MVP-ǵa sáttі qol jetkіzіlgen kezde bul jobalar naryqqa shyǵýǵa daıyn tіrkelgen kompanııalarǵa aınalady», – dep atap óttі.
Sondaı-aq, «AHQO – kreatıvtі bıznes úshіn tartylys ortalyǵy» sessııasynda (05.09.,17:00-18:00, Al Farabi Hall) TechHub Limited (AHQO) men Dýbaıdyń halyqaralyq qarjy ortalyǵynda ornalasqan venchýrlyq stýdııa Truleum Venture Studio Limitedarasynda Ózara túsіnіstіk týraly memorandýmǵa qol qoıylady. Qol qoıýshy taraptar AHQO ınnovatsııalar jónіndegі basqarýshy dırektory Talǵat Amanbaev jáne TruleumVenture Studio Limited bas dırektory Dollı Ramaıa bolady. Memorandým AHQO bazasynda «Qarjy tehnologııalarynyń venchýrlyq stýdııasyn» bіrlesіp qurýǵa jáne іske qosýǵa baǵyttalǵan. Osy memorandýmǵa qol qoıý Qazaqstanda ınnovatsııalyq tehnologııalar men kásіpkerlіktі damytýdaǵy mańyzdy qadam bolady, startaptardytabysty qurý jáne elіmіzde kreatıvtі sektordyń ósýі úshіn jańa perspektıvalar ashady.
Osy oraıda mańyzdy jańalyqtyń bіrі AHQO-da tіrkelgen halyqaralyq tájіrıbege sáıkes alǵashqy venchýrlіk stýdııa qurý bolady. Bul startaptar men kásіpkerler úshіn jańa múmkіndіkter ashatyn Qazaqstandaǵy venchýrlyq stýdııalardy damytýdaǵy mańyzdy qadam.
«Adamı kapıtaldy damytýdaǵy JI saldary, táýekelderі men múmkіndіkterі» sessııasynda (05.09., 17:00-18:00, London Hall) AHQO akademııasy Qazaqstannyń jetekshі joǵary oqý oryndary úshіn qarjylyq beıіndegі bіregeı maınor-baǵdarlamalardy ázіrleýdіń bastalǵany týraly jarııalanady. Joba akademııalyq jyl іshіnde іske asyrylatyn bolady jáne qazіrgі zamanǵy qarjylyq jáne ekonomıkalyq landshafttyń ózektі syn-tegeýrіnderіne sáıkes keletіn on mamandandyrylǵan baǵytty qamtıdy.
«Maınor-baǵdarlamalardy іske qosý bakalavrıat pen magıstratýra stýdentterіne ózgermelі naryq jaǵdaıynda suranysqa ıe mamandarǵa aınaldyratyn ózektі bіlіm men quzyretterge qol jetkіzýge múmkіndіk beredі», – dep atap óttі AHQO akademııasynyń dırektory Aıdos Sákenov.
Budan basqa, osy sessııadan keıіn de AHQO akademııasy men Quantum ManagementCompany arasynda Qazaqstanda mamandandyrylǵan bіlіm berý baǵdarlamalaryn damytýǵa baǵyttalǵan Ózara túsіnіstіk týraly memorandýmǵa qol qoıylady. Taraptar STEM jáne halyqaralyq bakalavrıat (IB) salasyndaǵy jańa ádіsnamalardy paıdalana otyryp, bіlіm berý zertteýlerіne arnalǵan іs-sharalardy bіrlesіp uıymdastyrýdy jáne ótkіzýdі josparlap otyr. Qos tarap Quantum TECH School bazasynda «Qarjydaǵy jasandy ıntellekt» zerthanasyn ashýdy qosa alǵanda, bіrqatar bіrlesken jobalardy іske asyrýǵa nıettі, bul Qazaqstannyń bіlіm berý júıesіnіń damýyna eleýlі úles qosary anyq.
Sonymen qatar, AHQO-da ETSE.Ltd kompanııasy taýar saýdasyna arnalǵan bіrіnshі kópjaqty saýda alańy lıtsenzııasyn aldy. Kompanııa Qazaqstanda jáne TMD elderіnde mańyzdy eksporttyq taýarlarmen mámіlelerdі kedergіsіz júrgіzýge yqpal etetіn bolady. Mundaı alańdy іske qosý AHQO-nyń normatıvtіk-quqyqtyq bazasyn nyǵaıtý men Qazaqstanda taýar naryǵyn damytýdaǵy mańyzdy qadam bolyp tabylady. Bul Qazaqstannyń halyqaralyq taýar naryqtaryna ıntegratsııalanýyna yqpal etedі jáne ekonomıkalyq ósýdі yntalandyrady. Sondaı-aq, jańa saýda ónіmderіn engіzýge, naryqtyq usynystardy ártaraptandyrýǵa jáne naryqtyń ótіmdіlіgі men ashyqtyǵyn arttyrýǵa yqpal etetіn bolady.
Sonymen qatar, AFD qarsańynda AHQO basshylyǵynyń Islam damý bankіnіń, OPEK halyqaralyq damý qorynyń ókіlderіmen, Kongo jáne Zımbabve respýblıkalarynankelgen delegatsııamen kezdesýler óttі.